ՄԵՐ ՄԱՍԻՆ

PR-ի ԶԱՐԳԱՑՄԱՆ ՀԱՅԿԱԿԱՆ ԿԵՆՏՐՈՆ

     "PR-ի  Զարգացման Հայկական Կենտրոն" հանրային կապերի հասարակական կազմակերպությունը նպատակ ունի կայացնել PR-ի` հասարակական կարծիքի ձևավորման ինստիտուտը Հայաստանում: Առաջադրված խնդիրներին հասնելու համար կազմակերպությունն իրականացնում է զանազան PR նախագծեր,  հարցումներ, ուսումնասիրություններ, գործնական թրեյնինգներ, մրցույթներ, կազմակերպում է PR խորհրդատվություն, հանդես է գալիս տարբեր հրապարակումներով ու հայտարարություններով:

     "PR-ի Զարգացման Հայկական Կենտրոն"-ը զբաղվում է նաև հասարակական կարծիքի ձևավորման մասնագետների` PR մենեջերների, PR թրեյներների և PR խորհրդատուների վերապատրաստմամբ: Կենտրոնը առաջինն էր Հայաստանում, որի ջանքերով 2010 թվականի հուլիսի 28-ին պաշտոնապես նշվեց "PR-ի և PR մասնագետների օրը": Կենտրոնը մշտապես մեծ պատրաստակամություն է ցուցաբերում հասարակական կարևորության զանազան խնդիրների լուծմանն աջակցելու հարցում:

"ԱՊՐԵՍ" PR ՄՐՑԱՆԱԿԱԲԱՇԽՈՒԹՅՈՒՆ

"ՓիԱր-ի Զարգացման Հայկական Կենտրոնն" առաջին անգամ Հայաստանում նշել  է PR-ի և PR մասնագետների մասնագիտական տոնը (2010թ. հուլիսի 28-ին): Կենտրոնի կողմից կազմակերպվող "աPRես" PR մրցանակաբաշխությունը լայն արձագանք է ստացել ինչպես Հայաստանում, այնպես էլ արտասահմանում: Մրցանակաբաշխության ընթացքում մոտ 15 տարբեր անվանակարգերում շնորհակալագրեր և մրցանակներ են հանձնվում դրական հասարակական կարծիքի ձևավորման գործում ավանդ ունեցող տարբեր անհատների և կազմակերպությունների: PR մրցանակաբաշխությանը ներկայացվում են այն բոլոր միջոցառումներն ու ակցիաները, որոնք արժանացել են հատուկ PR հանձնաժողովի ուշադրությանը: Միջոցառմանը ներկա են գտնվում մի շարք առաջատար ընկերություններ, հասարակական-քաղաքական գործիչներ, մտավորականներ, գործարարներ, լրագրողներ և PR-ով հետաքրքրված այլ անձիք:

 ԱՇԽԱՐՀՈՒՄ ԱՌԱՋԻՆ "ԲՐԵՆԴ ԱՅԳԻՆ"  ԵՐԵՎԱՆՈՒՄ

      "ԲՐԵՆԴ  ԱՅԳՈՒՄ" կազմակերպությանը տրամադրվում է 1.5x1.5 քմ տարածություն, որտեղ տեղադրվում է ընկերության եռաչափ լոգո-խորհրդանիշը: Դա հնարավորություն է տալիս յուրօրինակ և արդյունավետ ձևով ներկայանալ ինչպես հայրենական սպառողին, այնպես էլ արտասահմանից մեր երկիր ժամանող տուրիստներին: "ԲՐԵՆԴ  ԱՅԳԻՆ"` լինելով յուրօրինակ "EXPO բաց երկնքի տակ",  կարող է դառնալ հետաքրքիր և հաճելի ժամանցի այնպիսի մի վայր, ինչպիսին` համաձայն կենտրոնի ուսումնասիրությունների, չկա աշխարհում: