Սույն թվականի հուլիսի 28-ին` ժամը 19:30-ին, "Կոնգրես" հյուրանոցի մեծ սրահում կկայանա "ՓիԱր-ի Զարգացման Հայկական Կենտրոն"-ի կողմից կազմակերպված "աPRես" PR մրցանակաբաշխությունը: Մրցանակաբաշխության ընթացքում մոտ 15 տարբեր անվանակարգերում շնորհակալագրեր և մրցանակներ են հանձնվելու դրական հասարակական կարծիքի ձևավորման գործում ավանդ ունեցող տարբեր անհատների և կազմակերպությունների: PR մրցանակաբաշխությանը ներկայացվելու են 2010-2011 թվականներին տեղ գտած բոլոր այն միջոցառումներն ու ակցիաները, որոնք արժանացել են հատուկ PR հանձնաժողովի ուշադրությանը: Ի դեպ հուլիսի 28-ը նաև PR-ի և PR մասնագետների օրն է: Միջոցառմանը հրավիրված են մի շարք առաջատար ընկերություններ, հասարակական-քաղաքական գործիչներ, մտավորականներ, գործարարներ, լրագրողներ և PR-ով հետաքրքրված այլ անձիք: Սիրով հրավիրում ենք Ձեզ ևս ներկա գտնվել "աPRես" PR մրցանակաբաշխությանը և դրանով նպաստել առողջ և դրական հասարակական կարծիքի ձևավորմանը Հայաստանում: Հարգանքներով` "PR-ի Զարգացման Հայկական Կենտրոն"-ի հասարակայնության հետ կապերի բաժին